నాన్న కావాలనుకుంటున్నారా?

అనేక మంది దంపతులకు వివాహమై కొన్నేళ్లు గడుస్తున్నా సంతానలేమి వారిని వేధిస్తూ ఉంటుంది. సంతాన భాగ్యం కోసం వారు చేయని పని  ఉండదు. పూజలు పునస్కారాల , మరోవైపు సంప్రదించని వైద్యులంటూ ఉండరు. 
  యాంత్రిక జీవనంలో భార్యా భర్తల మధ్య శృంగార సమయం చాలా తక్కువ. పని ఒత్తిడి వల్ల సెక్స్‌ను ఎక్కువగా ఎంజాయ్ చేయలేక పోతున్నారు. అనేక మంది దంపతులు వారానికో, పదిరోజులకో మొక్కుబడిగా సెక్స్‌ను పూర్తి చేస్తున్నారు. ఇలాంటి వారికి సంతానం కూడా ఆలస్యంగానే కలుగుతోంది. 

దంపతులు సెక్స్‌ కార్యక్రమానికి ఎక్కువ రోజులు దూరంగా ఉండటం కూడా ఒక కారణంగా చెపుతున్నారు. 
ఇలాంటి సమయంలో కూడా నిర్ణీత సమయంలో సెక్స్ చేయడం వల్ల పిల్లలు పుట్టే అవకాశం ఉందని వైద్యులు చెపుతున్నారు. 

రుతుక్రమం మొదలైన పదో రోజు నుంచి 20వ రోజు వరకు ప్రతి రోజూ సెక్స్‌లో పాల్గొనాలి. అలా కలవక పోయినట్టయితే పిల్లలు పుట్టే అవకాశం చాలా తక్కువేనంటున్నారు. అలాగే, సెక్స్ తర్వాత వీర్యం సరిగా రాకపోయినా వెంటనే వైద్యుడిని సంప్రదిస్తే మంచిదని వారు చెపుతున్నారు.

Related articles: 

మగ పిల్లలు పుట్టడానికి మునులు చెప్పిన రహస్యం...

మెంతులు తింటే ఇక మీ ఆవిడకు వాంతులే ?

బాహుబలి లో మీరు చూసిన వాటర్ ఫాల్స్ ఎక్కడ ఉందో మీకు తెలుసా?

వ్యభిచారం: రోజుకి 5 లక్షలు అంటున్న హీరోయిన్ చెల్లెలు...

మెంతులు తింటే ఇక మీ ఆవిడకు వాంతులే ?

భారత దేశ సాంప్రదాయ వంటకాల్లో ఉపయోగించే వస్తువులలో అతి ముఖ్యమైనవి మెంతులు. అందువలనే మన పూర్వికులు మన ఆహార పదార్థాల్లో మెంతులకు ముఖ్యత్వం ఇచ్చి ఉన్నారు. మెంతులను ప్రతి రోజూ ఆహారంలో తీసుకుంటూ వస్తే పురుషులకు సెక్స్ కోరికలు పెరుగుతాయి. మెంతులు పురుషుల సెక్స్ హార్మోన్‌లను రెచ్చగొట్టేందుకు సహకరిస్తాయి. మెంతుల్లో ఉన్న సపోనిన్ అనే పదార్థం పురుషుల సెక్స్ హార్మోన్ టెస్టోస్టిరన్‌ పనితీరును మెరుగుపరుస్తుంది.

ఈ విషయం తాజాగా జరిపిన అధ్యయనం ద్వారా మరోసారి రుజువైంది. ఇందుకోసం పరిశోధకులు ఇటీవల  25 ఏళ్ల వయస్సు నుంచి 55 ఏళ్ల వయస్సులోపు గల 60 మంది పురుషులను పరిశోధించారు. వారికి రోజుకు రెండు సార్లు వంతున మెంతులు, మెంతుల రసం ఇచ్చారు. ఆరు వారాల తర్వాత వారికి సెక్స్ కోరికలు అత్యధికంగా పెరిగినట్లు గుర్తించారు. 

 

అదే సమయంలో మెంతులు తినని కొందరిని పరిశోధించగా వారికి సెక్స్ కోరికలు తక్కువగానే ఉన్నట్టు తెలిసింది. దీంతో మెంతులను సెక్స్ ప్రియులకు వరప్రసాదంగా వైద్యులు అభివర్ణిస్తున్నారు. ఇక బయట మెడికల్ షాపుల్లో అడ్డమైన మందులను కొని, డబ్బుతో పాటు ఆరోగ్యాన్ని వృధా చేసుకోకుండా, ప్రతి రోజూ తీసుకునే ఆహారంలో మెంతులు చేర్చుకుంటే మంచి ఫలితాన్ని పొందవచ్చు.

పచ్చకర్పూరం - ఆరోగ్య విషయంలో పచ్చకర్పూరం మేలు - పచ్చకర్పూరం చరిత్ర

తీపి పిండివంటల్లో సువాసనకు వాడే పచ్చ కర్పూరంతో శారీరక రుగ్మతలను తగ్గించుకోవచ్చునంటున్నారు ఆరోగ్య నిపుణులు.

- పచ్చకర్పూరం నూనెలో నానబెట్టి, ఆ నూనెను పడుకునే ముందు ఛాతీపైన బాగా మర్దన చేస్తే ముక్కు దిబ్బడ, దగ్గు నుండి వెంటనే ఉపశమనం కలుగుతుంది.

- నోటిలో పిప్పిపన్ను నొప్పితో బాధపెడుతుంటే కొద్దిగా పచ్చకర్పూరం పొడిని చిన్న ఉండలా చేసి, ఆ రంధ్రంలో ఉంచితే వెంటనే బాధ తగ్గుతుంది.

- పచ్చ కర్పూరం నూనెతో మర్దన చేయించుకుంటే కీళ్ళ నొప్పులు, ఒళ్ళు నొప్పుల నుండి వెంటనే ఉపశమనం లభిస్తుంది.

- ఒక స్పూన్‌ కర్పూరం పొడిని కొబ్బరి నూనెలో కలుపుకుని ప్రతిరోజూ తలకు మసాజ్‌ చేసుకుంటే జుట్టు తెల్లబడకుండా వుంటుంది.

- పచ్చకర్పూరంలో ఉండే త్వరగా చొచ్చుకుపోయి, నొప్పిని హరించే గుణం వలన దీనిని మన మందుల తయారీలో (చర్మ దురదలకు, నొప్పులకు, దగ్గుకు, గొంతు నొప్పికి, తలను, కళ్ళను చల్లపరిచే నూనెలలో) వాడుతున్నారు. అంతేకాకుండా మన టూత్‌ పేస్ట్‌ తయారీలో కూడా ఇది ముఖ్యపదార్థంగా వుంటుంది.

- పల్చటి తెల్లని బట్టలో కొంచెం బియ్యం, కొంచెం పచ్చకర్పూరం కలిపి మూటకట్టి వాసన పీల్చితే ముక్కు దిబ్బడ, జలుబు తగ్గుతుంది.

- చిటికెడు ఉప్పు, చిటికెడు పచ్చకర్పూరం కలిపి పళ్ళు, చిగుళ్ళు రుద్దితే చిగుళ్ళ వాపు, పంటి నొప్పులు తగ్గుతాయి. పళ్ళు తెల్లగా మెరుస్తాయి.

అలాగే తిరుమల శ్రీ వెంకటేశ్వర స్వామీ వారి గడ్డం క్రింద కుడా పచ్చ కర్పూరం పెడతారు ఎందుకంటే?

స్వామికి ప్రతిరోజూ గడ్డం దిగువన ఒకటిన్నర తులాల మేలిరకం పచ్చకర్పూరం ముద్దను అద్దాలి! దీని కథ ఏమంటే, రామానుజాచార్యులు వారి కోరిక మేర తిరుమలపై నివాసం ఉంటూ, పూలతోట పెంచుతూ, నిత్యం స్వామి వారికి నవనవలాడే నాజూకు పూలు, పూల దండలను శ్రద్ధతో సమర్పించే ఆప్తశిష్యుడైన అనంతుడు ఒకనాటి ఉదయం సతీసమేతంగా పూలతోటలో నీళ్ళు పోస్తుంటాడు. దంపతుల భక్తిభావానికి, నిస్వార్థ సేవకు మురిసిపోయిన శ్రీనివాసుడు బాల వటువురూపంలో వచ్చి వారికి సహాయ పడబోగా – ఆ అల్లరి పిల్లవాడు తమ పనులకు అడ్డు తగులుతున్నాడని భ్రమించి ఆగ్రహించిన అనంతుడు అతడిపై గడ్డిపార విసురుతాడు. ఆ గడ్డపార కొన ఆ బాలుని గడ్డం క్రిందుగా రాచుకుంటూ వెళుతుంది. వెంటనే ఆ బాలుడు ఆలయంవైపు పరుగిడుతూ అంతర్థానమవుతాడు!

తీరా, అనంతుడు పూలు తీసుకుని సాయంకాలం గర్భగుడికి వెళ్ళి చూడగా స్వామివారి గడ్డం దిగువన గాయం కనిపిస్తుంది. అతడికి వెంటనే ఉదయం జరిగిన సంఘటన గుర్తుకి వస్తుంది. పట్టరాని పశ్చాత్తాపంతో, ప్రేమాభిమానంతో అతడు తక్షణమే అక్కడ ఉన్న పచ్చకర్పూరం ముద్ద తీసుకుని గాయంపై గట్టిగా అడుముతాడు. దాంతో క్షణాలలో చిత్రంగా గాయం మాయమై – అక్కడ గుర్తుగా మచ్చ మాత్రం మిగిలిపోతుంది. అదిగో…అప్పటినుంచి స్వామివారి గడ్డంపై ఈ పచ్చకర్పూరం అద్దడమనే ఆచారం ఏర్పడింది. ఈ మచ్చ మనకు విగ్రహంలో అగుపించడం ఒక మహావింత!

అటుకులతో శరీరానికి కావలసిన పోషకాలు మీకు తెలుసా...?

మీకు తెలుసా...? చాలామంది అల్పాహారంగానో, బ్రేక్‌ఫాస్ట్‌గానో తీసుకునే 
అటుకులు కూడా ఆరోగ్యానికి శక్తినిస్తాయి. మనిషి శరీరానికి కావలసిన పోషకాలు 
ముఖ్యంగా ఇనుము (ఐరన్‌) అటుకుల్లో ఉంటుందట. అయితే వీటిని విడిగా 
తినడం కంటే... బ్రేక్‌ఫాస్ట్‌ తయారు చేసుకుని తినటంవల్ల రుచి, రుచి, పోషకాలు 
రెండూ అందుతాయి.

పోహా చేయడంలో 5 అంకాలు
1.అటుకులు నీళ్లల్లో 3, 4 నిమిషాలు నానబెట్టాలి.

2.నీరు వంపేసి, దాంట్లో తగినంత ఉప్పు, ఒక స్పూన్‌ కారం, ధనియాల పొడి 
ఒక స్పూన్‌, ఒక చిటికెడు ఇంగువ కలపాలి.

3.మూకుడులో తగినంత నూనె పోసి, ఆవాలు, పల్లీలు, కరివేపాకు, పచ్చి 
సెనగపప్పు వేయించాలి.

4.తరిగి ఉంచుకున్న ఉల్లిపాయలు, పచ్చిమిర్చి, వెల్లుల్లి, సన్నగా తరిగిన ఆలూ 
ముక్కలు వేసి వేయించాలి.అందులో రెండు స్పూన్‌ల చింతపండు రసం వేసి 
రెండు నిమిషాలు కలపాలి.5.అందులో అటుకులు వేసి బాగా అడుగుకి, పైకి 
కలిపి ఐదు నిమిషాల పాటు సన్నని సెగపై ఉంచాలి. ఇక పోహా తయారు.

ఎక్కువ సేపు ఒకటే చోట కూర్చొని పనిచేసేవారికి పొట్ట తగ్గించడానికి వ్యాయామాలు ?

  ఎక్కువ సేపు ఒకటే చోట కూర్చొని పనిచేసేవారికి సాధారణంగా పొట్ట ఎక్కువగా 
ఉంటుంది. ఒక చిన్న వ్యాయామంతో పొట్టను తగ్గించుకోవచ్చు. ఈ వ్యాయామాలు
 పొట్టను తగ్గించడానికి ఎంతో ఉపయోగపడతాయి. అవి ఏమిటంటే:

మొదటి వ్యాయామం: నేల మీద వెల్లకిలా పడుకొని కాళ్ళు, చేతులు నిటారుగా నేలకు
 ఆనించాలి. తర్వాత రెండు కాళ్ళనూ కొద్ది అడుగులు పైకి లేపాలి. అలా 10 అంకెలు 
లెక్కపెట్టే వరకు ఉండండి. తర్వాత నెమ్మదిగా కాళ్ళను కిందికి దించాలి. ఇదే విధంగా 
మూడు, నాలుగు సార్లు చేయాలి. ఇలా కాళ్ళను పైకి లేపి ఉంచడం వల్ల పొట్టపై ఒత్తిడి
 పెరుగుతుంది. అలా కౌంటింగ్‌ను పెంచుకుంటూ ప్రతిరోజూ చేస్తుంటే పొట్ట తగ్గడం ఖాయం.

రెండో వ్యాయామం: నేల మీద పడుకొని, పాదాలు నేలకు ఆనే విధంగా కాళ్ళను 
ముడుచుకోవాలి. చేతులను మెడను పైకి నెడుతున్నట్లుగా అదిమినట్లు ఉంచి, 
శరీరభాగాన్ని సగం కూర్చున్నట్లుగా పైకి లేపాలి. 

కొద్దిసేపు అలాగే ఉండి తర్వాత శరీరాన్ని దించాలి. ఇలా మూడు, నాలుగు సార్లు 
చేయడం వల్ల కూడా పొట్టను తగ్గించవచ్చు. 

మీ ఇంటిలో గర్భిణీ స్త్రీలు ఉన్నారా ?

ఇంట్లో గర్భిణీ స్త్రీలు ఉన్నప్పుడు, ఆ గృహస్తులు కొత్త ఇల్లు లేదా ఫ్లాట్స్ వంటి వాటివి కొనుగోలు  చేయడం, కట్టడం వంటివి కూడదు. గృహ నిర్మాణ పనులు చేపట్టినప్పుడు అక్కడ వాతావరణము దుమ్ము, ధూళి వంటి వాటివలన కాలుష్యమౌతుంది కనుక కచ్చితముగా గర్భిణీ స్త్రీలను, పుట్టబోయే పిల్లల ఆరోగ్యాన్ని దెబ్బతీస్తుందని వాస్తు శాస్త్రం చెబుతోంది. శిశువు పుట్టిన తర్వాతే కట్టడాల నిర్మాణాలు,అలాగే నిద్రలేచిన వెంటనే గర్భిణీ స్త్రీలు పచ్చటి ప్రకృతి, జలపాతాలు వంటి దృశ్య పటాలను ప్రొద్దునే నిద్రలేస్తూనే చూడటం మంచిది.  నిద్రలేచిన వెంటనే దేవుడు పటాల్ని చూడటం ద్వారా రోజంతా శుభదాయకంగా ఉంటుంది. గర్భిణీ స్త్రీలు ఉండే ఇళ్లలో గృహస్థలం యొక్క దక్షిణము వైపున ఖాళీస్థలాన్ని వదిలిపెట్టి ఉత్తరము వైపున ఇల్లు ఉండకుండా చూడాలి. ఇటువంటి స్థలం గర్భిణీ స్త్రీలనే మాత్రమే గాకుండా స్త్రీలకు బాధలను కలిగిస్తాయి.మరోవైపు గర్భవతికి ఆరు మాసములు నిండిన తర్వాత గృహారంభం, గృహప్రవేశం తో పాటు సముద్ర  ప్రయాణము, భర్త క్షవరము చేయించుకొనుట, శ్రాద్ధాన్న భోజనం చేయుట వంటివి కూడదు. ఇంకా గర్భిణీ స్త్రీ భర్త పుణ్యతీర్థములు సేవించుట, శవమును మోయుట, శవము వెంట నడుచుట వంటివి చేయకూడదు. గర్భిణీ స్త్రీలైతే.. నదీ స్నానము, శవం వద్ద దీపమెలిగించడం, రక్తాన్ని చూడటం, శ్మశాన దర్శనం చేయడం శిశువుకు మంచిది కాదు.అలాగే గర్భిణీ స్త్రీలుండే ఇంటి నిర్మాణంలో మార్పులు, చేర్పులు చేయడం శ్రేయస్కరం కాదు.

భోజనం తర్వాత నిద్ర ఎందుకు వస్తుంది?

సగటు మనిషి శరీరంలో సుమారు ఐదు లీటర్ల రక్తం ఉంటుంది. 

ఇది శరీరంలోని విభిన్న భాగాలకు సరఫరా అవుతుంది. ఆయా భాగాలకు ఇంతింత 

రక్తం వెళ్ళాలని నియమం లేదు.

వివిధ కణాల అవసరాన్ని బట్టి రక్తం ఆయా భాగాలకు వెడు తుంది. 

సాధారణ సమ యాల్లో కాలేయానికి గుండె నుండి వచ్చే రక్తం 28 శాతం వెడుతుంది. 

మూత్రపిండాలకు 28 శాతం, కండరాలకు 15 శాతం, మెదడుకు 14 శాతం, 

గుండెకు 5 శాతం రక్తం వెడుతుంది. 

ఆయా శరీర భాగాల అవసరాన్ని బట్టి రక్త ప్రవాహం మారుతూ ఉంటుంది

ఆహారం తీనుకున్నప్పుడు అది జీర్ణం కావడానికి ఉదర భాగానికి ఎక్కువ రక్తం అవసరం.

 అంచేత భోజనం తర్వాత ఎక్కువ రక్తం ఉదర భాగానికి చేరుతుంది. 

దీని వల్ల మెదడులో రక్త శాతం తగ్గుతుంది. దాంతో మెదడు కాస్త మందగిస్తుంది.

ఈ కారణం వల్ల మనకు నిద్ర మత్తు కలుగుతుంది. 

నిజానికి శరీరానికి విశ్రాంతి కావాలని చెప్పే సంజ్ఞేయే నిద్ర మత్తు. 

అందువల్ల భోజనం తర్వాత కొంత సమయం విశ్రాంతి తీసుకోవడం మంచిది.

మెడనొప్పిని అశ్రద్ధ చేయకండి ?

మెడనొప్పి తీవ్రమైపోయి అవి ఇతర ఆరోగ్యసమస్యలకు దారి తీయవచ్చు. మెడనొప్పి తీవ్రత వల్ల మూత్రాశయంలో మార్పులు వచ్చే అవకాశం ఎక్కువ. నొప్పి ఎక్కువైన కొద్దీ నరాల మీద వత్తిడి పెరిగి అటు తర్వాత మూత్ర విసర్జనలో తేడాలు వచ్చి ఇతర ఆరోగ్య సమస్యలు దారితేసే అవకాశం ఉంది. మనం నిల్చునే, కూర్చునే భంగిమలు సరిగ్గా లేకపోవడం కారణంగానే మెడ నొప్పి సమస్యలు ఎక్కువగా వస్తుంటాయి. ఒక్కోసారి వెన్నుపూసల మధ్యలో ఉండే డిస్క్‌ వల్ల కూడా విపరీతమైన సమస్యలు వస్తాయి. ఈ డిస్క్‌ జారి నరాల మీద ఒత్తిడి కలిగినపుడు నొప్పి వస్తుంటుంది. వెన్నుపూసలో నుంచి మెదడు లోకి వెళ్లే రెండు రక్తనాళాలైన వర్టిబ్రల్‌ ఆర్టరీస్‌ చిన్న మెదడుకు రక్తప్రసరణ అందిస్తాయి. నొప్పి తీవ్రంగా ఉన్నప్పుడు ఈ ఆర్టరీస్‌ రక్త ప్రసారంలో తేడాలు వచ్చి మెదడుకు రక్తప్రసారం అంతగా ఉండదు. దీని మూలంగా నొప్పితో పాటు తలతిరగడం, దిమ్ముగా అనిపించడం, వాంతులు 
అవుతుంటాయి. మెడదగ్గర ఉండే వెన్నుముకలో ఏడు వెన్నుపూసలు ఉంటాయి. వాటిలో మొదటి వెన్నుపూసను అట్లాస్‌ అని. రెండవ వెన్నుపూసను, ఆక్సిస్‌ అని అంటారు. ఆ తర్వాత పూసలను సర్వెకల్‌ 3,4,5,6,7 అంటారు. ఇవన్నీ ఒకదానికొకటి జాయింట్స్‌గా అమర్చి ఉంటాయి. వీటిలో సై్పనల్‌ కెనాల్‌ ఉంటుంది. దాని ద్వారా సై్పనల్‌ కార్డ్‌ అంటే వెన్నుపాము మెదడు నుంచి కాళ్లకు, చేతులకు నరాలకు తీసుెళుతుంది. ఒక వెన్నుపూసకు, మరొక వెన్నుపూసకు మధ్యలో ఉండే ఇంటర్‌ వర్టిబ్రల్‌ పారామినా నుండి ఒక్కొక నరం బైటకు వస్తుంది. ఈ నరాలు ఒక్కోవైపునకు విస్తరించి ఉంటాయి. వెన్నుపూసల మధ్యలో ఉండి దిస్క్‌ షాక్‌ అబ్జార్బర్‌లా పనిచేస్తుంది. డిస్క్‌కి రక్తప్రసరణ అవసరం ఉండదు. మనం తీసుకున్న ఆహారం ద్వా రానే దీనికి పోషకాలు అందుతాయి. శరీరబరువు, తలబరువును బ్యాలెన్స్‌ చేయడానికి ఇది దోహదపడుతుంది.

ఎక్సరే- స్కానింగ్‌ : 
మెడనొప్పి వచ్చే వారికి ఎక్సరే తీస్తే సమస్య తీవ్రత ఎంత ఉందో తెలుకోవచ్చు. ఎక్స్‌రేను బట్టి మెడపూసలలో ఏమైన తేడాలు ఉన్నాయా అనేది తెలుసుకొని దీనిని బట్టి చికిత్స ఇవ్వాల్సి ఉంటుంది. దీని వలన పుట్టుకతోనే వెన్నుపూసలో సమస్యలు ఉన్నాయా? మధ్యలో ఏమైన వచ్చి చేరాయా? అనేది తెలుసుకోవడానికి వీలవుతుంది. ఇంకా సూక్ష్మమైన సమస్యలు ఉన్నావారికి ఎం.ఆర్‌.ఐ స్కాన్‌ ద్వారా పరిక్షలు నిర్మహించి దీని ద్వారా ఏ నరం మీద ఎంతఒత్తిడి ఉందో తెలుసుకొని ఆ వత్తిడి దేని వల్ల నచ్చింది? ఏదైనా ఎము ఫ్రాక్చర్‌ అయిందా? నరాల్లో వాపు ఏమైనా ఉందా? గడ్డలు ఉన్నాయా? ఇవన్నీ ఎం.ఆర్‌.ఐ పరీక్ష ద్వారా తెలుసుకోవచ్చు. డిస్క్‌ ప్రొలాప్స్‌ (డిస్క్‌ తాను ఉండే స్థానం నుంచి తొలగడం) ఉంటే ఎంత మేరకు ఆ సమస్య ఉందో గమనించి దానిని చికిత్స చేస్తారు.

పర్సనల్‌ కేర్‌: 
మెడ నొప్పి వచ్చినప్పుడు వేడినీళ్లలో మెత్తటి వస్త్రాన్ని ముంచి, పిండి మెడపైన కాపడం లేదా ఐస్‌ముక్కను క్లాత్‌లో చుట్టి దానితో కాపడం పెడితే సాధరణ నొప్పి నుంచి రిలీఫ్‌ లభిస్తుంది. మెడ కండరాలలో నొప్పి ఉన్నపుడు తప్పనిసరిగా వాటికి విశ్రాంతి ఇవ్వాలి. ఎందుకంటే కండరాలు బిగుసుకుపోయి ఉంటాయి. అందుకని నొప్పి ఉన్నపుడు పనులు చేయకుండా విశ్రాంతి తీసుకోవాలి. లేదంటే నొప్పి తీవ్రత పెరిగే అవకాశం ఉంది. ఫిజియోథెరపిస్ట్‌ని కలిసి కండరాల విశ్రాంతి కోసం నెక్‌ ఎక్సర్‌సైజ్‌లను చేస్తే నొప్పి త్వరగా తగ్గే అవకాశం ఉంది. సాధారణ నొప్పి అయితే పెయిన్‌కిల్లర్‌ అయిం ట్‌ మెంట్లు ఉంటాయి. వీటితో రోజుకి ఐదారు సార్లు సున్నితంగా మసాజ్‌ చేస్తే నొప్పి నుంచి రిలీఫ్‌ ఉంటుంది. బరువైన బ్యాగులను ఒక భుజానికే వేసుకొని నడవడం వల్ల మెడ కండరాలపై ఒత్తిడి పెరిగి నొప్పి వస్తుంది. అలాగే నడిచేటపుడు ఒకవైపుకే వంగడం సరికాదు.

నడుంనొప్పికి చక్కని పరిష్కారాలు ...!

వెన్నెముక దిగువభాగంలో కలిగే నొప్పిని ఆయుర్వేదంలో కటివాతం(జూఠఝఛ్చజౌ) అనీ, కాలు తుంటి భాగంలో నుండి పాదం వరకూ నలిగే నొప్పిని గృధ్రసీవాతం(టఛిజ్చ్టీజీఛ్చి)పిలుస్తారు. సాధారణంగా కటి, గృధ్రసీవాతం కలిసి ఒకేసారి వస్తుంటాయి.

వెన్నెముక మెలిక తిరగడం వల్లగాని, బరువైన వస్తువులు ఎత్తడం వల్ల గానీ , వెన్నుపూసకు, వెన్నుపూసకు మధ్యగల గుండ్రని పళ్లెంలాంటి భాగం, వాత ప్రకోపం వల్ల దాని ముందుకు పొడుచుకు వచ్చి నడుం నొప్పిలుగుతుంది. వాత కఫాలు ప్రకోపించడం వల్ల కాళ్లు, వెనుకభాగంలో పొడవునా వ్యాపించి ఉన్న గృధ్రసేనాడిపై ఒత్తిడి పడటం వల్ల , ఆ నాడి కాని, దాని తొడుగుకానీ వాచి సయాటికా నొప్పి వస్తుంది.

కటివాత, గృధ్రసీవాతం లక్షణాలు

సాధారణంగా వంగినపుడు వెన్ను దిగువభాగంలో తీవ్రమైన నొప్పి హఠాత్తుగా మొదలై నిటారుగా నిలబడనివ్వదు. ఇదే కటివాత ప్రధాన లక్షణం. గృధ్రసీవాతం పిరుదుల్లో మొదలై కాళ్లు, తొడలు, పిక్కలు పొడవునా పాదం బొటనవేలు వరకూ పాకుతూ విపరీతమైన బాధను కరిగిస్తుంది. కొద్దిసేపు కూడా కాలు మడిచి కూర్చోనివ్వదు. కాలు పొడవునా తిమ్మిరి ఉంటుంది. తొడ, పాదం పైభాగాల్లో స్పర్శ ఉండదు. నడుంనొప్పి, గృధ్రసీవాతంల ను అదుపుచేయటానికి మన ఇంట్లోని పెరటిమొక్కలను ఉపయోగించి వైద్యం చేసుకోవచ్చో తెల్సుకుందాం.

వెల్లుల్లి మిశ్రమం

కావాల్సిన పదార్థాలు- 20 వెల్లుల్లి రేకులు, నువ్వులనూనె

తయారీవిధానం- 20 వెల్లుల్లి రేకులు, 100 గ్రాముల నువ్వులనూనెలో బాగా మాడ్చి తైలం తయారు చేసుకోవాలి. రోజూ ఉదయం ఆ తైలాన్ని నొప్పి ఉన్నచోట మర్ధన చేస్తుంటే కటి, గృధ్రసీవాతాలు త్వరగా తగ్గుతాయి.

కరక్కాయ మిశ్రమం

కావాల్సిన పదార్థాలు- కరక్కాయలు

తయారీ విధానం- 2 గ్రాముల కరక్కాయలతో చూర్ణాన్ని తయారు చేసుకోవాలి. రోజూ భోజనం తర్వాత మంచినీళ్లతో కలిపి తాగాలి. నొప్పులు తగ్గుతాయి.

బంగాళదుంప మిశ్రమం

కావాల్సిన పదార్థాలు- బంగాళదుంప

తయారీ విధానం- బంగాళదుంపను(ఆలుగడ్డ) పచ్చిగా ఉండగానే మెత్తగా నూరి వెన్నుపైన నొప్పిగల చోట పట్టీగా వేస్తే నొప్పితగ్గుతుంది.

నిమ్మరసం

కావాల్సిన పదార్థాలు - నిమ్మరసం, వంటసోడా, ఉప్పు

తయారీ విధానం- ఒక చెంచాడు నిమ్మరసంలో కొద్దిగా తినేసోడా(వంటసోడా)ని ఉప్పుతో కలిపి తీసుకుంటే వెన్నునొప్పి తగ్గుతుంది.

సొంటిమిశ్రమం

కావాల్సిన పదార్థాలు- సొంటి, నెయ్యి, వెల్లుల్లి

తయారీ విధానం- సొంటిని కొద్దిగా నెయ్యిలో వేయించి పొడిచేసి సమంగా వెల్లుల్లిని నెయ్యిని కలిపి నూరి ఒక చెంచాడు ఉదయం, రాత్రి భోజనం తర్వాత తినాలి. కటి, గృధ్రసీవాతాలు తగ్గుతాయి.

తులసి మిశ్రమం

కావాల్సిన పదార్థాలు- తులసి, మిర్యాలు, నెయ్యి

తయారీ విధానం- రోజూ ఉదయం, రాత్రి తులసి రసం, మిర్యాలపొడి, నెయ్యి సమంగా కలిపి ఒక టేబుల్‌ స్పూన్‌ చొప్పున తీసుకోవాలి.

బియ్యం పిండి మిశ్రమం

కావాల్సిన పదార్థాలు- బియ్యం, ఉమ్మెత్తాకులు, నీళ్లు

తయారీవిధానం- బియ్యంపిండికి సమంగా ఉమ్మెత్తాకులు కలిసి నీటిలో నూరి నొప్పిగల చోట పట్టీ వేయాలి.

వేప మిశ్రమం

కావాల్సిన పదార్థాలు- వేప వేరు, నీళ్లు

తయారీ విధానం- 10 గ్రాముల వేప వేరు బెరడును నీటిలో నూరాలి. తర్వాత మంచినీటిలో కలిపి ఉదయాన్నే తాగాలి.

ఆముదం గింజల మిశ్రమం

కావాల్సిన పదార్థాలు- ఆముదం గింజలు, సొంటి, పంచదార

తయారీ విధానం- ఆముదగింజల్లోని పప్పు , సొంటి, పంచదారను సమపాళ్లలో తీసుకుని కుంకుడు గింజలంత మాత్రలు చేసి రోజూ పాలతో వాడితే చాలా మంచిది.

పసుపు మిశ్రమం

కావాల్సిన పదార్థాలు- పసుపు, నువ్వుల నూనె

తయారీ విధానం- నొప్పిగల చోట నువ్వలనూనెతో మర్ధన చేసి, 15 నిమిషాల తర్వాత పసుపుతో దానిపై నలుగు పెడితే నొప్పులు తగ్గిపోతాయి.